విడుదలైన ఆరువారాల్లోనే అక్షరాలా అరలక్ష మంది వీక్షకుల సంఖ్యను దాటేసి లక్ష వైపుగా దూసుకుపోతున్నది సినీవాలి సాహిత్య వార పత్రిక.
ఈ శుభ సందర్భంలో సెప్టెంబర్ 1న నా జన్మదినాన్ని పురస్కరించుకొని రచయితలు ఆసక్తిగా పాల్గొనే విభిన్నమైన
చిన్న కథల పోటీని ప్రకటిస్తున్నాము.
ఆసక్తికరమైన అంశంతోబాటు చదివించే చక్కని శైలి పాఠకులను అలరించాలనే సంగతి మరవొద్దు.
అన్నిటి కంటే ముఖ్యంగా ఈ పోటీ ముఖ్య ఉద్దేశం-క్లుప్తత.
మీరెంత చిన్న కథ రాయగలరు? నాలుగు పేజీలు? మూడు? రెండు??
ఛాయిస్ మీదే! ఎంత చిన్న కథ అయితే పరిశీలనకు స్వీకరించే అవకాశాలు అంత ఎక్కువ ఉంటాయి.
25 కథలకు 500/- ల చొప్పున బహుమతులు అందిస్తాం.
అక్షర దోషాలు, కామాలు-ఫుల్ స్టాప్ లు, పేరాగ్రాఫ్ లు ఇన్వర్టడ్ కామాలను తేలికగా తీసుకోకండి. ఈ విషయంలో సినీవాలి చాలా నిక్కచ్చి. పాఠకుడికి పంటి కింది రాయిలా రావడం సంగతి తర్వాత, ముందు న్యాయ నిర్ణేతలే నిర్మొహమాటంగా పక్కన పెట్టేస్తారు. మీరెంత మంచి అంశం రాసినా, మీ శైలి ఎంత బాగున్నా మీ కథ బుట్టదాఖలా అయ్యే ప్రమాదముంది.
పీడీ ఎఫ్ లూ, చేత్తో రాసి తీసిన ఫోటో కాపీలూ, స్కాన్ కాపీలూ పరిశీలనకు స్వీకరించలేము.
కేవలం యూనికోడ్ మాత్రమే అంగీకారయోగ్యం. కథలు సినీవాలి కోసం ప్రత్యేకంగా రాసినవై ఉండాలి.
ఆ విషయం హామీ పత్రంలో కంపల్సరీగా రాయాలి!
ఇంతకు ముందు సినీవాలి చేత రిజెక్ట్ చేయబడినవి పంపకూడదు.
మేము ఫలితాలు ప్రకటించేంత వరకు ఆగే ఓపిక లేని వాళ్ళు కథలు పంపకూడదు.
ఎన్ని కథలు పంపడం ముఖ్యం కాదు. గడువు తక్కువే ఉంది కాబట్టి ఒకే కథను-పోటీలో నిలిచేలా సూచించిన ప్రామాణికాలను పాటిస్తూ, పంపితే తప్పక విజేతలు మీరే.
ఆలస్యమెందుకు మరి? ఆఖరు తేదీ ఎంతో దూరంలో లేదు. ఆగస్టు 15 లోపు గానీ ఆరోజు అర్ధరాత్రికి గానీ మాకు అందాలి.
చిన్న కథలపోటీకి అని మెయిల్ లో స్పష్టంగా పేర్కొనాలి
మెయిల్ ఐడీ తెలుసుగా,
cineevaaliweekly@gmail.com
ఫలితాలు సరిగ్గా నా జన్మదినం అంటే సెప్టెంబర్ 1న ప్రకటిస్తాము.
అట్లాగే, పోటీ ఫలితాల డేటు విషయం గురించి గానీ దయచేసి ఎటువంటి ఫోన్ కాల్స్, వాట్సప్, మెసెంజర్ల ద్వారా సంప్రదించకూడదని మనవి.
డా.ప్రభాకర్ జైనీ
ప్రధాన సంపాదకుడు,
సినీవాలి
ఉచిత ఆన్ లైన్ సాహిత్య వార పత్రిక
Magazine looks very sound and interesting. All the best.
పత్రిక చాలా ఆకర్షణీయంగా ఉంది. అభినందనలు మీకు.
రచయితలను బాగా ప్రోత్సహిస్తున్నందుకు ధన్యవాదాలు.
చక్కటి పోటీ.చిన్న కథలు రాసే వారికి,రాస్తున్న వారికి మంచి అవకాశం.
కార్టూన్లు సంఖ్య పెంచితే బాగుంటుంది సార్
నాలుగు/మూడు/రెండు….పేజీల సంఖ్య కూడా నిబంధనలలోనే నిర్దేశిస్తే ఇంకా బాగుండేది.
శుభాభినందనలు.
ఎంత చిన్నదైతే అంత మంచిదని చెప్పినట్టు గుర్తు.
Congratulations!!
Dr.Prabhakar Jaini garu on magazine crossing fifty thousand readers.
Your efforts are really hard and praise worthy.
అంతా బాగుంది కానీ పత్రికకు పేరు తెలుగులో పెడితే బాగుండేదేమో!
నేను సినీవాలి పాఠకుడిని. పత్రిక చాలా బాగుంది. కొత్త రచయితలను ప్రోత్సహిస్తున్నందుకు, ఈ కాలానికి తగినట్టుగా అరచేతిలో అద్బుతమైన పత్రిక అందిస్తున్నందుకు జైనీ గారికి అభినందనలు.
తెలుగు పేరే అండీ. సినీవాలి అంటే పార్వతీ దేవికి మరోపేరు. అమావాస్య నాడు కనిపించే చిరుకాంతి రేఖను కూడా సినీవాలి అంటారు. మీరు తెలుసుకుంటే బాగుండేది.
మన్నించండి నేను సినీ అనగానే పరభాషా పదమే అనుకున్నాను ఆలోచించలేదు. నిజమే
సర్ నమస్తే,
ఈ వారం చక్కిలిగింతల చక్కని కార్టూన్ గా బహుమతి పొందిన రామ్ ప్రసాద్ గారి కార్టూన్ సందేశాత్మకంగా ఉంది.నాకో డౌట్ సార్! చక్కిలిగింత ల కార్టూన్ అంటే మనల్ని నవ్వించాల్సిన అవసరం లేదా?
పత్రిక బాగుంది. ఇంకా మంచి మంచి శీర్షికలతో అలరించండి.
నిర్వాహకులకు అభినందనలు.
లేదు. మనసును చక్కిలిగింతలు పెట్టిస్తే చాలు. ఒక బాలుడి హృదయాన్ని ఆవిష్కరించిన కార్టూనిస్టును అభినందించండి.
పత్రిక బాగుంది. శుర్షికలూ బాగున్నాయి.. కథలను పెంచగలిగితే ఇంకా బాగుంటుందన్నది నా అభిప్రాయం
సినీవాలి పత్రికను ఈ రోజే చూడడం జరిగింది. పత్రిక సర్వాంగ సుందరంగా బాగుంది. అభినందనలు.
చిన్న సూచన. పత్రికను ఇప్పుడున్న స్క్రోల్ పద్ధతిలో కాకుండా, పేజీలు తిప్పుకునే విధంగా(flip mode) తెస్తే బాగుంటుంది.
మహేశ్వర రావు